चुँडिएको मुटु

मनिषा अवस्थी 
चुँडिएको मुटु
घस्रिदै घस्रिदै हिडिरहदा
तिमीले दिएको आश्वासनमा
ढुक ढुक गरी मुटु धड्किदा
अडित रहे यी पाइला
मेरी प्रिय आमासंग
मायाको अँञ्जुली थाप्दा
सट्टामा बेफलीको झरीले रुझ्दा
अडित रहे यी पाइला
आकाशे ढुङ्गे अशिना बषिर्दा
टाउको फुटी रत्ताम्य हुँदा
धरातलिय बाबाको छातीमा
ओत बस्न खोज्दा
तिखारिएका रात्तिएका,तात्तिएका
क्रोधी आँखा देख्दा डराएर
अडित रहे यी पाइला
मुटु भक्कानिएर फुट्दा
सहनुभुतिको आशाले
आफ्नै सम्झिई तिमीलाई
टेक्न खोज्दा
धकेलेर,ठेलेर हुत्याएर जान खोज्दा
अडित रहे यी पाइला
छुरा रेटिदा मेरै गर्धनमा
तिमीले खुट्टा चोपली हिड्दा
देखिन दया पाउने ठाउँ
त्यसैले अडित रहे यी पाइला
अडित रहे यी पाइला